अव्यक्त प्रेम

प्रत्येक जण एकदा तरी असा प्रेमात पडतोच. आपल्या आयुष्यात एक तरी अशी व्यक्ती असते कि आपण त्या व्यक्ती वर मनापासून प्रेम करतो पण व्यक्त कधीच करत नाही. त्या व्यक्तीने आपल्यावर प्रेम करावे अशी आपली अट हि नसते पण त्या खास व्यक्तीची प्रत्येक गोष्ट आपल्याला आवडते. ते प्रेम आपले अगदी पहिले प्रेम असेलच असे नाही. आयुष्याच्या एखाद्या टप्प्यावर आपल्या जीवनात अशी व्यक्ती येते, कि तीच नुसते आपल्या आसपास असणेही खूप सुखकर असते. ती व्यक्ती  फक्त आपलीच असावी असा अट्टाहास नसतो किंवा त्या व्यक्तीला दुसऱ्या कुणाबरोबर पाहून आपल्याला राग हि त्यात नाही. अशा काहीश्या त्या भावना असतात. कधी चुकून ती व्यक्ती आपल्या आयुष्यात आलीच तर तो आनंद कशी पेक्षा खूप जास्त असतो. पण जरी ती व्यक्ती आपल्या आयुष्यात आली नाही तरी त्याचा खंत किंवा खेद  नसतो , कारण आपले त्या व्यक्ती वर मनापासून आणि निस्वार्थी प्रेम असते. जे फक्त आणि फक्त आपल्यालाच ठाऊक असते. असे अव्यक्त प्रेम प्रत्येकाच्या आयुष्यात एकदा तरी होतेच. ती व्यक्ती अशी असते कि तिच्या नुसत्या आठवणीने आपल्या ओठावर कुठल्याही वेळी, कुठल्याही परिस्थितीत एक स्मितहास्य खुलवून जाते.